فى_الشدة. ديوان «للدكتورة فاطمة نعيم»
فى_الشدة. ديوان «للدكتورة فاطمة نعيم»
متابعة: حامد خليفة
فى الشدة
لما فى الشدة يبيعوك .. ويراهنوا انك هتتوجع
هتتكسر من بعدهم .. هتضييع وتتوه وتتقهر
وكأنهم أنبيا أو أوليا .. أوعرفوا الغيب بالودع
قولهم الله كريم ..خلقنا أيوه صحيح حريم
لكن وقفتنا وقوتنا .. بأمر المولى بمية جدع
قولهم ربك بيعوض .. وبيحنن وبيطبطب
مادام القلب فى حرمه ..صان العهد وما ركع
لا لبشر ولا لحجر ولا لشيطان رجيم قادر بمكره
يخدعك لكن قلبى عمره بفضله وحده ماخضع
………..
والقوة دى بمصرنا طبع .. والكل عنا ياما سمع
لا بننحنى لمخلوق .. ولا بيكسرنا مليون وجع
نظرتنا حادة كالسباع .. ووقت الجد بنكسر ناب
أى ندل كلب خسيس قل عقله و فينا يوم طمع
وعزتنا دى زى العلم .. لا بيتزيف ولا يتنكس
ولو كل جنودنا شهدا . علمنا بأعلى تله بيترفع.
فى الشدة الديوان التانى للدكتورة فاطمة نعيم
