ماليش غير الوطن أصحاب للأستاذ الدكتور صلاح هاشم أستاذ التنمية و التخطيط بجامعة الفيوم

متابعة سعاد حسنين
مفيش غيرك قريب وحبيب
ماليش غيرك وطن تانى
أنا صليت فى محرابك ..
ولما صومت ياوطنى
فطرت بحب من زادك
..
أنا أشهد .. بإن الجنه فوق أرضك
ولو عارضوك ..
فنهر النيل هيشهدلك
..
ولو قالوا فى يوم كافر
كفرت بمين ..؟!
دا من فجر التاريخ وانت
من الساجدين
وايدك خير وممدودة
توزع رحمة ع المساكين
..
صبرت كتير على وجعك
سامحت كمان ..
عشقت النيل وحبيته
لكن عمرك ما خبيته
وخليته .. فى عز الضله
طاقة نور ..
توزع ضي ع الغلبان
…
ساندت كتير ..
شعوب وقفت على بابك
وخدت بيد أصحابك ..
لا صانوا الود يا وطنى
ولا قدروا على اعتابك
..
هتفضل رمز يا وطنى
وشمعه تقيد لأحبابك
تنور سكة للتايهين
وقبلة عشق للعابدين
وتفتح للغريب بابك
..
أنا أشهد .. بإن الكون بيسبحلك
ويشهد لك
ولو جالك أذى منه
أكيد النصر مكتوبك
…
د.صلاح هاشم