الثقة بالنفس .. بقلم خالد ندا
بقلم خالد ندا
الثقة بالنفس
الثقة بالنفس .. اول عوامل النجاح …اوعى حد يهز ثقتك فى نفسك ..أو تكون قابل للكسر …. حتكون فريسة سهلة ..وحتكون نهايتك وغير مأسوف عليك … ومفيش حد بيرحم حد …اوعى تقول قريب أو صديق أو حبيب … اول ما تقع دول اول ناس حيبعدوا عنك وحيتفرجوا عليك من بعيد لبعيد وقليل لو مشمتوش فيك الا من رحم ربى … ثق فى نفسك فى مظهرك فى شكلك … فى كل تفصيله خاصة بيك … ممكن يكون لبسك مش احسن حاجة بس لايق عليك ..فى ناس كتير لابسة لبس غالى جدااأ بس مش لايق عليهم … ممكن متكنش اجمل حد … فى ناس كتير جدا اجمل منك بمراحل بس جمالهم ممكن يكون مزيف لأن الجمال جمال الطبع والروح .. و اكيد عندك حاجة معندهمش… فكن ذاتك ومتقلدش حد وبرضوا شكلك لايق عليك … اوعى تدى الفرصة لحد يقلل منك … تعامل مع الناس ديمأ وكأنك ملك وكأنك احسن واحد فى المجرة .. ولاكن خد بالك فى شعرة بين الثقة والغرور … حافظ على الشعرة دى والا حتكون نهايتك وسقوطك سيكون مدوى…علشان تنجح حتعدى بمراحل ومطبااات صعبة جدااا فى حياتك لازم تتغلب عليها بالإرادة بالصبر والاستعانة بالله …
حتلاقى ناااس بتقلل منك وتقول يا عم دة مغرور وعايش فى الدور هو اخترع الذرة دة فاشل وهما فى الحقيقة اللى فشلة … وتأكد أنك لو مش ناجح مكنوش حيشغلوا بالهم بيك ولا حيجيبوا فى سيرتك … دورك هنا بقى توريهم مين الفاشل ومين المغرور وبيعمل أية …اوعى شئ يهزك أو يكسرك أو يوقفك … وتأكد لو حد ايجى عليك فى يوم تأكد إن ربنا حيجبلك حقك وزى ما ايجى عليك فى حد تانى حيجى علية لأن الايام دول يوم ليك ويوم عليك …اهم حاجة ديمآ تكون متأكد إن ربنا موجود وكبير .. وديمآ متخليش اى مشكلة تاخد حيز كبير من تفكيرك أو تديها اكبر من حجمهاااا لأن كل حاجة بتعدى وتروح لحالها وبعد كدا الدنيا بتروق وتحلى … و اوعى اليأس يتمكن منك حتبقى قضيت على نفسك بأيدك .. اللى معاك انهاردة ممكن بكرة ميكنش معااااك ..واللى سابك امبارح واستغنى عنك ممكن تلاقية جايلك انهاردة يقلك سامحنى … ديما تعامل بأخلاق ونبل الفرساااان … وحاول ديمآ تكون متسامح ومتكسرش حد أو تصفى حسابات قديمة معااااة متعرفش ساعتها ظروفه كانت عاملة ازاى … ومتقابلش الإساءة بالإساءة لعل عدو اليوم يصبح حبيب الغد لأن ربك مقلب القلوب …وببن طرفة أعين وانتباهاتها يغير اللة من حال الى حال … ديمآ تكون راضى وحامد وقانع بما قسمة اللة لك وحامد ربك على وافر نعمة وفضل عطاءة ..
