اثمن هديه

 

كتبت : الكاتبة اللبنانية منى قيس
متابعة د.عبدالله مباشر رومانيا

وبتبكي الجبال والسهول والوديان….
بتصرخ بالصوت العالي….
عن سرها المحفوظ…
وبتسأل وين الفلاح؟
وين أبني الغالي؟
وين الصرة؟
وين الخميرة والملحات؟
وين أولادي؟
وحب الفطرة والأنتماء
صرنا كلنا خسرانين
وضعنا وضاعت منا الطريق
ما عدنا نعرف أنت مين وأنا مين
يمكن خلصوا الدمعات و نشفو الدمات….
او ضاعت الهويه…..
ونسينا التحية….
شو صار تانسينا ارض الأجداد
واخذتنا اللهوات والأهمال عم اقدس قضيه…
ومدري وين الوصيه….
ومدري وين الوصيه….
معليش….. معليش لا تزعلوا….
يا ترابات ارضي
يا جبالي
ويا وديان وسهولي الأبيه
بطمنكن راجعين…..
راجعين…..
نحنا وأولادنا نجدد العهد وعد ما ننسى نحن منك وانت منا
يأ ارض و نركع لرب السما ونشكرو على اثمن هديه

منى قيس