زيف المشاعر
كتب
الشاعر :عاطف محمد
معاني الدنيا معزوفه
على وترين
نشد القوس
ونعزفهم ونعرفهم
لكن العزف يتغير
ويتبدل بلحن جديد
صوابع ايد
بنلقى الآه نغمتها
كـ نبته ف الخضار نور
ونتدور ونتغير
وتيجي أيد لحد جديد
تقول الآه من جوه
ملانه عشق لحظتها
تفوت اللحظه وتعدي
لا تلقى عشق
ولا آه من الآهات
غريبه نعشق امبارح
ونيجي نخونه مع بكره
يساوي أيه
خيانة قلب بيحبك
نسيت الحس وسمعته
صدى صوتي مابفتكروش
فردت رموش جناح وردي
يشيل ودي
ويعمل منه نسمايه
تخاف لتعدي على ضيه
لتجرح رق احساسه
لكن داسه
ودبل ودي ف خضاره
رمى نهاره وبدل بيا أوهامه
خساره كنت بخلص له
كشط لبحر من ضيي
وموجه الحلو من فضه
واتوضى
واتركع
وابني جسر بدعيا
يوصل كلمه جوايا
حروفها كلها اسمك
يصون رسمك
إله الكون بأجمل لون
عيوني مارأت غيرك
كانت أيام
عرفت الدنيا ف حقيقتك
أساسها غش
بمليون وش
ووشمك فوقه بيداري
ماهوش داري
بأن حقيقته مكشوفه
ومعروفه
كقرص الشمس
كلام الأمس توهته
ف سكه تقول مانيش راجع
وجنب السكه فيه نبعين
بيسقوا للغريب ميه
خلطت الحب جواها
زرعت الود حواليهم
كلام العشق راح اسيبه
يموت عطشان
لأنه جبان
وبيزيف حقيقة الناس
لازم ينداس مالوش لازمه
وتمنه رخيص
مايستاهل
نفكر فيه ولا نحكيه ولا نقوله
لأن القول هنا غالي
خساره يضيع….
…. على الفاضي
