استقيموا يرحمكم الله

كتب /عمرو خالد

باللغه العاميه

 

اخ قتل اخته وولع في جثتها بسبب الميراث
– واحد حابس بنته الطفلة في بيت مهجور لمدة ٣ سنين ورابطها من ايديها ورجليها وبيحطلها اكلها كانه بيحط لكلب مربيه كله ده عند في مامتها عشان مطلقها وواخدها منها
-واحد جرد امه من ملابسها وقتلها ورماها في مصرف وراح بلغ أنها مختفية عشان ياخد أرضها
– واحد قتل شخص في عز النهار وسط كل الناس وفصل راسه بالساطور وحطها في شنطة والناس واقفة تتفرج عليه لا وكمان بيصوروا الفيديو بدل ما يتصلوا بالشرطة أو الاسعاف أو حتي يهجموا عليه ويكتفوه
– طلبة في جامعة الإسكندرية كانوا بيتعاركوا في كلية حقوق يقوم الأمن يطلعهم بره الكلية عشان يتعاركوا براحتهم بدل ما يدخلوا ويطلعوهم للعميد أو ياخدوا اي إجراء قانوني النتيجة أن في واحد اضرب لحد لما مات
– مجموعة بنات في مدرسة اغتصبوا زميلتهم في حمام المدرسة لحد لما ماتت بسبب أن في واحدة ماشية مع واحد وطلع معجب بالبنت دي
– بنتين بيهددوا زميلتهم بالمطواه لو رجعت المدرسه
– واحدة قتلت جوزها وفرمت من لحمه وعملت عليه كبسة عشان اتجوز عليها وقدمت الاكل للعمال
– فتاة تقتل والدها بمساعدة خطيبها بحلوان
دست له مخدر في “طبق ملوخية”.
– 3 طلاب تنمروا علي زميلهم في ٢ ثانوي ولما اعترض علي طريقتهم قتلوه بكسر زجاجه أسفل الرقبه
كل الناس بتاكل في بعضها وبقت النفوس وحشه
لأ وخايفين من إنقلاب الطبيعه ده أقل عقاب للي بيحصل
إرحمو بعض عشان ربنا يرحمنا وإستقيمو يرحمكم الله الدنيا جابت أخرها خلاص فوقوا