العقيد محمد جاد والمقدم سامح عبد الظاهر يودعون المقدم محمود القللى
متابعة حامد خليفة
تلقى الجميع نبأء وفاة المقدم محمود القللى أثر حادث أليم بالبحر الأحمر بكل حزن وآسى وناعاه جميع محبينة ومن الكلمات المؤثرة وخارجة من القلب لسيادة العقيد محمد جاد
«أسألكم الدعاء “اللهم بقدر حبى له وحب عبادك له وبقدر طيبه قلبه وبشاشة وجهه وحبه للخير ومساعدته لعبادك والسعى فى قضاء حوائجهم اغفر لعبدك محمود القللى وتقبله عندك مع الشهداء والصديقين ”
بحبك قوى يا قللى هتوحشنى يا حبيبى ربنا يصبرنا على فراقك ويجمعنى معاك فى جنة الخلد إلى أن ألقاك يا قلبى والله»
وكتب فى وداعه المقدم سامح عبد الظاهر.
«إبن السيره الحلوه الخالصَـه
من تحوير أو أي أونطه
شارب طيبة وشبعان خير
يخدم قبل الجار الغير
وإن قالوا مين هو القللي ؟
يردّوا : ده أجدع ظابط شرطه
كان سينمائي بشكل عظيم
كان ف الهيبة باشا قديم
كان الفخر اللي يخليّك
تحلف إن القللي أخوك
وجه دعائي لشكل الشرطه
كان إعلان مدفوع بالحّب
كان إعلان لـ شعار الشرطه
إن الشرطة في خدمة شعب
كل م يضحك أو يقابلنا أو يتكلّم
ياخد العين والروح والقّلب
إبن الناس للنّاس موصول
كان ف الشارع طابع شرطه
كان للشرطه أعظمها رسول
كان ف الخير سبّاق علي طول
كل الشعب اللي عرف بيك
واللي إتواصل قدرو فيك
واللي إتقابل بيك لو يوم
قاعد يحلف ليك ياجميل
كل الناس لو قاعده ف زحمه
قاعدة بتدعي ليك بالرحمه
ويصبّر احبابك عنك
يغفر لك ويخفّـف عنّك
لو راح جسمك قاعد إسمك
يحكي لكل الناس بالخير
كان ف الشرطة قائد طبعا
وساب الشرطه وهو أمير
