نصائح وإرشادات العنايه بالطفل في عامه الاول
أشار الدكتور /منصور اباظه
اخصائي طب الاطفال إلي أنه لايجب القلق فى تربيه الاطفال حديثي الولاده إذا ظهرت الأعراض الاتيه
1- الخنفرة طالما الطفل بيرضع و ينام كويس : سببها ضيق تجويف الانف بنستخدملها محلول ملح مع الالتزام بفيتامين د
2- الحزق:مالهوش أى دلالة مرضية طالما مفيش أعراض تانية
3- الارتجاع أو التفويض:طالما الطفل بيزيد في الوزن و صدره مش بيتعب باستمرار
4- زيادة عدد مرات حمام البراز بعد كل رضعة أو بمجرد بدء الرضاعة الطفل يعمل غازات و براز يعنى ممكن يوصل ل 8 مرات يومياً و تكون الشكوى المعتادة أن الطفل بيسهل
ده مش إسهال ده حاجة اسمها Gastro-colic reflex بمعنى أن دخول اللبن للمعدة بيحفز القولون للتفريغ
5- الإمساك:لحد 3 أيام عادى طالما بيعمل براز لين وده خاصة بعد 45 يوم
6- تورم الثديين سواء عند الذكور أو الإناث ده نتيجة هرمونات من الأم و بيتحسن لوحده و بلاش تعصير عشان ده هيعمل خراج للطفل سيبوه فى حاله
7- إفرازات من المهبل عند الإناث سواء إفرازات بيضاء او حتى نقط دم ده برضه نتيجة هرمونات الأم اللى بتقل بعد الولادة عند الطفل و بتسبب كده غالباً فى الأسبوع الاول و مش محتاجين أى حاجة بتقف لوحدها
8- لون برتقالى ممكن نلاقيه فى البامبرز فى الأيام الأولى بعد الولادة دى أملاح يورات بتنزل فى البول خاصة لو الجو حر و الطفل مبيرضعش كويس كل المطلوب نشغل التكييف على 28 أو يكون جو الغرفة مفتوح و جيدة التهوية و يرضع كويس
9- الزغطة:حاجة طبيعية بنشوفها فى معظم الأطفال خاصة فى أول شهر و أحياناً بتتكرر كتير و خاصة لما الطفل بيرضع كويس نتيجة امتلاء المعدة و الضغط على الحجاب الحاجز
10- قشرة الشعر أو قبعة المهد Seborrheic dermatitis ووقوع الشعر ده طبيعى و الله منقلقش و مش محتاجين علاج و عموماً مفيش كلام عن شعر الطفل قبل سنتين
11- المغص:طبيعى فى أول 4 شهور ممكن العياط يكون 3 ساعات على مدار اليوم كله
12- الخضة فى أول 3 شهور سواء عند سماع أصوات عالية او أحياناً عند لمس الطفل او ممكن لوحده دى حاجة اسمها Startle reflex و بيتحسن لما الجهاز العصبى ينضج عند من 4 ل5 شهور
13- الحول فى أول 6 شهور غالباً نتيجة ضعف فى عضلات العين بيتحسن لوحده مع الوقت خاصة لو عند تحريك العين لاتجاهات معينة مش دائم
14- السرة مش لازم تقع فى أول أسبوع عادى لو اتأخرت اسبوعين تلاتة و لحد 45 يوم أكثر من كده لازم فحص لاستبعاد مرض مناعى نادر
15- إفرازات العين و زيادة الدموع و سيلانها من الحاجات المشهورة فى الاطفال اول 6 شهور نتيجة ضيق القنوات الدمعية كل المطلوب الصبر و عمل مساج للقنوات الدمعية على جانبى الانف من أعلى إلى أسفل بلطف من 2-3 مرات يوميا و لمدة شهرين أو أكثر و تنظيف الافرازات باستمرار بمناديل مبللة بماء فاتر و فى حالة وجود عدوى ميكروبية فى صورة افرازات صديدية بيضاء و إحمرار و تورم بالعين تستخدم مضادات حيوية موضعية (قطرة او مرهم) بعد استشارة الطبيب و لحسن الحظ 90% من الحالات بتشفى تلقائيا قبل اتمام عام و لو استمر الضيق او الانسداد بعد عام يتم العرض على طبيب العيون لاحتمال الحاجة الى إجراء توسيع للقنوات الدمعية
د.منصور أباظة
أخصائي طب الأطفال و حديثي الولادة
مدينة الحسينية بجوار بنزينة العطاونة 01008590586
مدينة منشأة أبو عمر
01007325124
