نظرة حلوة
نظرة حلوة
الشاعر :عاطف محمد
لما كان قلبك بينطق..
بالكلام
كنت باسكن …..
ب……الأوامر
كل طيف الاشتياق
الأوامر….. من عنيكي
قوه فيها ألف جان
أمشى مسلوب ….الإرادة
جوه حبك ..
جوه نبضك…
واسهر الأيام …..ما انام
وأبني ألف..
وألف حلم
و ابتدي أرسم ياعمري
كل حلم لأرض….. واقع
لأجل ماتعيشى…. براحته
انتصاره وازدهاره
لأجل ما تدوقي….. نهاره
وتعيشىه ثانيه ….. بثانيه
فرحه رايحه…. وفرحه جايه
وإن أصابه ف يوم… ملل
من طيف مشاعره
ويا شوقه
ويا سيرته
نفتعل للهجر حاجه
تأدي غيرته
تبدأ اللوعة تقولي
الحبيب بقاله ثانيه
مااتصلشي…
مااتواصلشي…
حتى مابصش علينا
باى نظره
نظره حلوه ….م إللى هى
نظره زي…. ما تكون الهديه
إللىي ملفوفة .. بفضي
واللي مربوطة…
ب….شريط
لونه احمر كتير …..ف وردى
كل عين بتبص.. ليه
القلوب ساكنه عليه
قلب مكتوب فيه…
ااااااااه ……يااسى
ثانيتين
عينك ما سألت
قلب تاني
انت واحش…
كل حته من كياني
قلب تالت
قوم صالحني
ياللي شاغل….
كل حته… جوه عقلي
وف كيانى…
ألقى صوت… أدان بيدن
الله أكبر..
ألقى كل الفرح يجي
يرمى فوق كتفى….
حراير
واقفه تستحلفنى….. يلا
أركب الهمه…… وعدى
يلا عبر يلا قول
لأجل تسهر
أو تنول
لذة الحضن النوراني
إللى بيعطر….. كياني
وألقى حفلة…. م الورود
فيها أجمل…. صوت اغاني
حتى قهوة لانتظار
إللى داب فيها المرار
من سهادها…. ثانيتين
ألقى تلك القهوه…. فارت
من نيران الهجر فورا
لما ادوقها
ألقى لمسة ….م الشفايف
ضيعت كل المرار
سكرتها وسكرتها
سكر الحلوين بلذه
خمرة العاشقين بمزه
ألقى جسمي….. اتهز هزه
من نسيم قربي إليها
من جمالها …..ونور عنيها
شعرها….. عامل مظاهره
مين هيفضل….. ف انسداله
فوق نطاقها…. يبان دلاله
من جماله
كأنها لابسه ….تيجان
كل بنت حلوه عدت
… ف التاريخ
ألقى وقتي يقولي…… ركز
الثواني بقوا تلاته
وانت ماشي…. تاته تاته
جوه…. سكة لاعتذار
يلا خلص… بدون رياء
قدم وثائق… ال …انتماء
قدم قرابين ال….ثناء
طرز مشاعرك ب…الولاء
قوم بثورة
جوه كل ميدان….. لحب
على صوتك
قول وربي ب….احبها
اكتب على… جدار الشوارع
للي ماشفش الحب مره
واللي عاشه بكل ذره
واللي كان عاشق ف حبه
وإللىي حب بكل قلبه
وإللي كان عنتر وعبله
كل دول …..
يتعلموا
يقعدوا صفوف ل…لتعلم
كيف يصبح حبهم
ف الكون….. يعلم
حب لماتشوفه… تركع
وتصلي ف المحراب وتشكر
ربنا واهب نعيمه…
من دلاله…. من جماله
من بساطته….. وياعمقه
يومها ألقى الوقت
يصرخ……….
أربع ثواني عدت عليك
وأنت لسه….. ف لانتظار
سوق عواطفه
خدها يلا للنهار
سوق بسرعة سهم واصل
للهدف
مهما كانت فيه
إعاقة وبلياقة نور ملايكة
خلي قمرة نور زمانك
تبتسم ….يلا لرجوعك
تمسح الأشواق….. دموعك
تلقى صوتك
يقول برقه
آسف ياعمري
آسف يا قلبي
آسف ياحضني
آسف ياحبي
خمس ثواني
م الهجر فاتت
يانهار أبيض…..
مش هاتحصل…….. تاني أبدا
